बैशाख४,काठमाडौ। राष्ट्रिय स्वतन्त्र पार्टी (रास्वपा)ले आगामी फागुनमा केन्द्रिय महाधिवेशन गर्ने टुँगो लगाएको छ।
विहिवार केन्द्रीय कार्यालय वनस्थलीमा बसेको पार्टी केन्द्रीय समिति बैठकले महाधिवेशनको नयाँ मिति तोकेको हो।
बैठकले आगामी फागुन ७,८र ९ गते चितवनमा केन्द्रिय महाधिवेशन गर्ने निर्णय गरेको पार्टी कार्यवाहक प्रवक्ता मनिष झाले जानकारी दिएका छन्।
बैठकले आगामी आश्विनसम्ममा वडा अधिवेशन, कार्तिक सम्ममा पालिका अधिवेशन, मङ्सिर सम्ममा जिल्ला अधिवेशन र माघ १५ सम्ममा प्रदेश अधिवेशन सम्पन्न गरि फागुन ७ ८ र ९ गते चितवनमा राष्ट्रिय महाधिवेशन गर्ने सर्वसम्मतले निर्णय गरेको हो।
कार्यवाहक प्रवक्ता झाका अनुसार पार्टीको सातवटै प्रदेश समिती गठन,७० वटा जिल्ला भेला,४सय ५८ पालिका भेला,१९ सय७५ वडा समिति र ७ सय वटा वडामा अधिवेशन सम्पन्न भइसकेको छ।
यसअघि पार्टीको गत असोज १ र २ गते बसेको राष्ट्रिय भेलाले यहि बैशाख २५,२६ र २७ गते चितवनमा राष्ट्रिय महाधिवेशन गर्ने निर्णय गरेको थियो।
तल्लो तहमा निर्वाचित कार्यसमिति गठन हुन नसकेका कारण पूर्वघोषित कार्यतालिका अनुसार निर्धारित समयमा महाधिवशेन हुन नसकेको बताईएको छ।
प्रतिक्रिया
सम्बन्धित खवर
