साउन२०, निजगढ। बाराको जितपुर सिमरा उपमहानगरपालिका–१, पथलैयास्थित धर्मेश्वर मन्दिरअगाडिबाट एउटा बोलेरो गाडी बेवारिसे अवस्थामा फेला परेको छ।
बा १४ च ८९२५ नम्बरको खाली गाडी विगत दुई दिनदेखि सोही स्थानमा रोकिएको अवस्थामा भेटिएको हो।
स्थानीय वडा नम्बर १ का वडा सदस्य राकेश सुब्बाले आज बिहान ११:०० बजेको समयमा टेलिफोनमार्फत प्रहरी चौकी पथलैयालाई यससम्बन्धी जानकारी गराएका थिए।
वडा सदस्य सुब्बाबाट प्राप्त सूचनाका आधारमा प्रहरी चौकी पथलैयाबाट प्रहरी सहायक निरीक्षक धर्मबहादुर शाहीको कमाण्डमा खटिएको प्रहरी टोलीले घटनास्थल पुगी आवश्यक अनुसन्धान सुरु गरेको छ।
प्रहरी चौकी पथलैयाबाट पूर्व–दक्षिणतर्फ करिब १ किलोमिटर दूरीमा पर्ने उक्त स्थानबाट गाडीलाई नियन्त्रणमा लिई चौकीमा लाने प्रयास भइरहेको प्रहरीले जनाएको छ।
गाडी कसको हो र त्यहाँ कसरी आइपुग्यो भन्ने बारेमा थप अनुसन्धान भइरहेको छ।
साथै सम्बन्धित गाडी धनीलाई सम्पर्कमा आउन पनि प्रहरीले अनुरोध गरेको छ।
प्रतिक्रिया
सम्बन्धित खवर
