माघ ९,हेटौंडा। मकवानपुर प्रहरीले अवैध कपडाहरु नियन्त्रणमा लिएको छ।

प्रहरीले बिल बिजक नभएको १ लाख ४० हजार मूल्य बराबरको १४५ थान कुर्ति र ४५ थान साडी फेलापारी नियन्त्रणमा लिएको जनाएको छ।

बुधवार दिउँसो १ बजे हेटौडा-१५ रातोमाटे चेक पोईन्ट स्थित पुर्वपश्चिम सडक खण्डमा गौरबाट नारायणगढतर्फ आउँदै गरेको प्र.०३-००२ ख २१७९ नम्बरको यात्रुवाहक बसको डिकिमा उक्त सामानहरु फेला पारि नियन्त्रणमा लिईएको प्रहरीले जनाएको छ।

सामानहरु आवश्यक कारवाहीका लागि सम्बन्धित निकायमा पठाउने तयारी गरिएको प्रहरीको भनाई छ।