जेठ २५, हेटौंडा। मकवानपुरको मनहरी गाउँपालिकाबाट प्रहरीले ठुलो परिमाणमा अवैध लागुऔषध गाँजासहित एक महिलालाई नियन्त्रणमा लिएको छ ।
विशेष गोप्य सूचनाका आधारमा इलाका प्रहरी कार्यालय मनहरीबाट खटिएको प्रहरी टोलीले आइतबार बिहान करिब १०:३० बजेको समयमा मनहरी गाउँपालिका वडा नम्बर ८, बेलुवास्थित एक घरबाट उक्त गाँजा बरामद गरेको हो ।
चामलको बोराभित्र लुकाएको अवस्थामा बरामद
प्रहरीका अनुसार बेलुवा बस्ने रमेश न्यौपानेको घरमा कोठा भाडामा बस्दै आएकी बारा जिल्ला स्वर्ण गाउँपालिका वडा नम्बर ८, पर्सामपुर घर भएकी २५ वर्षीया सेहेरा खातुनलाई प्रहरीले पक्राउ गरेको हो ।
खातुनले आफ्नै कोठामा लागुऔषध लुकाईछिपाई राखेको सूचना पाएपछि प्रहरी टोलीले उनको कोठामा खानतलासी गरेको थियो ।
खानतलासीका क्रममा कोठाभित्र रहेको चामलको बोराभित्र रातो प्लास्टिकले बेरेर लुकाएर राखिएको अवस्थामा २२ केजी ८५२ ग्राम गाँजा फेला परेको प्रहरीले जनाएको छ ।
प्रतिक्रिया
सम्बन्धित खवर
