कार्तिक १२, हेटौंडा। मकवानपुरको बकैया गाउँपालिका-१ बाघफलमा श्रीमान र श्रीमतीबीच घरायसी विषयमा झै-झगडा हुँदा श्रीमानको मृत्यु भएको छ।
गएराति (कार्तिक ११ गते) करिब १:०० बजेको समयमा बकैया-१ बाघफल बस्ने अन्दाजी ५३ वर्षीय टेकबहादुर मुक्तान र उनकी ४५ वर्षीया श्रीमती प्रेमकुमारी मुक्तानबीच आपसमा भनाभन तथा कुटपिट भएको थियो। कुटपिटका क्रममा गम्भीर घाइते भएका टेक बहादुरको मृत्यु भएको प्रहरीले जनाएको छ।
घटनाको खबर प्राप्त हुनासाथ खटिएको प्रहरी टोलीले मृतककी श्रीमती प्रेमकुमारीलाई नियन्त्रणमा लिएको छ।
प्रहरीले नियन्त्रणमा लिइएकी प्रेमकुमारीमाथि थप अनुसन्धान गर्न जिल्ला अदालत मकवानपुरबाट ७ दिनको म्याद थप गरी आवश्यक कानूनी कारबाही तथा अनुसन्धान प्रक्रिया अगाडि बढाएको जनाएको छ।
प्रतिक्रिया
सम्बन्धित खवर
