असोज २,हेटौंडा ।हेटौंडामा सम्पन्न खुल्ला तीज गीत प्रतियोगितामा सीता लम्सालको सानोपोखरा समूह हेटौंडा ५ प्रथम भएको छ। नेपाली महिलाहरुको महान चाड हरितालिका तीजको अवसरमा हेटौंडा एफएम र नेश्नल गोल्ड टेलिभिजनले सोमबार हेटौंडा ४ स्थित पशुपति मन्दिर परिसरमा संयुक्तरुपम खुल्ला तीज प्रतियोगिताको आयोजना गरेको थियो।

प्रतियोगितामा हेटौंडा ८ को हजुरआमा सेवा समूह द्वितीय (श्रद्धा लामिछाने,पविता लामिछाने) र दियालो दमार समूह -१७ तृतीय भएका हेटौंडा एफएमकी प्रशासन प्रमुख अमिता लामिछानेले जानकारी दिईन्। त्यस्तै कालिका टोल विकाश समूह -८ र सामना समूहले सान्त्वना पुरस्कार प्राप्त गरे भने उत्कृष्ट नृत्य गरेबापत हेटौंडा ७ कि श्रद्धा लामिछानेले ५ तोला बराबर चाँदीको पाउजु प्राप्त गरेकी पनि लामिछानेले बताईन्।

बिजयी समुहले क्रमशः १५ हजार,१० हजार र ५ हजार रुपैयाँ नगद पुरस्कार प्राप्त गरे।बिजयी समूहलाई एफएमका प्रबन्ध निर्देशक उज्ज्वल चौँलागाई, हेटौंडा उपमहानगरपालिका-४ का वडाध्यक्ष नवीन सिग्देल लगायतले पुरस्कार तथा प्रमाणपत्र वितरण गरेका थिए।

कार्यक्रममा विभिन्न लोककलाकारहरुले प्रस्तुती दिएका थिए।

हेटौंडा एफएमले बिगत १५ वर्षदेखि तीजको अवसरमा खुल्ला तीज गीत प्रतियोगिता गर्दै आएको छ।