माघ२३,सिमरा। एक साता अघि बाराको सिमराबाट बेपत्ता भएका तीन वर्षीय बालक अन्स चौधरी अझै फेला परेका छैनन्।
उनि जितपुर सिमरा उपमहानगरपालिका-७ स्थित आफ्ना मामा रन्जित जैसवालको घर अगाडिबाट बेपत्ता भएका हुन्।
रौतहटको दुर्गा भवानी गाउँपालिका वडा नम्बर-१ बस्ने रितेश चौधरीका छोरा अन्स गत २ महिनादेखि सिमरास्थित आफ्नो मामा घरमा थिए।
उनी खेल्नेक्रममा मामाघर अगाडि बाट बेपत्ता बनेका बारा प्रहरी प्रवक्ता प्रकाश सापकोटाले बताए ।
सापकोटाका अनुसार १७ गते विहान ९ बजेको हाराहारीमा घर अगाडिबाट खेल्ने क्रममा हराएका बालकको खोजिमा प्रहरी सक्रियरुपमा लागेको छ।
रातो कलरको हुड र निलो रङ्गको पाइन्ट लगाएको अवस्थामा उनी सम्पर्कविहीन भएको सापकोटाले जानकारी दिएका छन्।
यता परिवारजनले भने बालकको अपहरण भएको हुनसक्ने आशंका गरेको छ। बालक फेला पार्ने व्यक्तीलाई १ लाख रुपैयाँ पुरस्कार प्रदान गरिने परिवारजनले घोषणा गरेको छ ।
यस्तै बारा क्षेत्र नम्बर ४का प्रतिनिधिसभा सदस्य किसान श्रेष्ठले पनि बालक फेला पार्ने व्यक्तिलाई ५१ हजार रुपैयाँ ईनाम दिने घोषणा गरेका छन्।
सांसद किसान श्रेष्ठ।
प्रतिक्रिया
सम्बन्धित खवर
