असार१२,हेटौंडा।मकवानपुर प्रहरीले ठूलो परिमाणको लागूऔषध सहित ३ जना भारतीय नागरिकलाई पक्राउ गरेको छ।
पक्राउ पर्नेमा भारतको बिहार राज्य,मोतीहारी जिल्ला,पंचमिडिया बस्ने वर्ष २६का उपेन्द्र यादव,वर्ष २२का संजितकुमार यादव र वर्ष ३५ का सिकिन्दर महतो छ्न्।
भारतको मोतीहारीबाट काठमाण्डौतर्फ जान आउँदै गरेको BL01AW1404 नम्वरको भारतीय कारमा आएका उनिहरुलाई पूर्वपश्चिम राजमार्गस्थित रातोमाटे चेकपोईन्टबाट बुधवार विहान ६ बजे पक्राउ गरिएको प्रहरीले जनाएको छ।
उनिहरुले लागूऔषध ट्रामाडोल २५ हजार ४५५ क्याप्सुल र ओनरेक्स १२० बोत्तल कारको सिटमुनी र पछाडीको डिकीभित्र फल्स बटम बनाई लुकाई छिपाई ल्याएका प्रहरी प्रवक्ता डिएसपी श्यामु अर्यालले जानकारी दिए।
उनिहरुविरुद्व लागूऔषध कसुर मुद्धामा थप अनुसन्धान कार्य भईरहेको डिएसपी अर्यालले बताएका छन्।
प्रतिक्रिया
सम्बन्धित खवर
