चैत्र ३,हेटौंडा । मकवानपुरको ईन्द्रसरोवरमा मोटरसाइकल दूर्घटनामा परि एक जना नेपाली सेनाका प्युठ घाईते भएका छन्। घाईते हुनेमा चितवनको खैरेनी नगरपालिका-१ घर भई दाङको रङसिंह दलमा कार्यरत २९ वर्षिय यज्ञबहादुर मगर छन्।
मगर शनिबार दिउँसो २ बजेर २५ मिनेटको समयमा ईन्द्रसरोवर-२ सिमखोला स्थित हेटौंडा- काठमाण्डौ सडक खण्डमा दूर्घटनामा परेका जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक लक्ष्मी भण्डारीले जानकारी दिए।मगर हेटौंडाबाट काठमाडौतर्फ जाँदै थिए।
प्रवक्ता भण्डारीका अनुसार मगर आँफैले चलाएको
लु.३४ प ३६०४ नम्बरको मोटरसाइकल आफै अनियन्त्रित भई सडकबाट अन्दाजी १५ मिटर तल खसेको थियो।
मगरको ढाडमा चोट लागेको छ। उनलाई उपचारार्थ काठमाण्डौ स्थित छाउनी अस्पताल पठाईएको प्रवक्ता भण्डारीले बताए।