फागुन ८,निजगढ। केन्द्रीय सुरक्षा समितिले निर्वाचन प्रचारप्रसारमा रुफटप (छत खोल्न मिल्ने) गाडी प्रयोगमा प्रतिबन्ध लगाउने निर्णय गरेको छ।
बिहीबार गृहमन्त्री ओमप्रकाश अर्यालको अध्यक्षतामा बसेको बैठकले सुरक्षा जोखिमलाई मध्यनजर गर्दै यस्तो निर्णय गरेको हो।
प्रमुख निर्णय: उम्मेदवारको सुरक्षा संवेदनशीलतालाई ध्यानमा राख्दै निर्वाचन प्रयोजनका लागि रुफटप गाडी प्रयोग गर्न पाइने छैन।
निर्वाचन तयारी: आगामी फागुन २१ गते हुने प्रतिनिधिसभा सदस्य निर्वाचनको सुरक्षा तयारी सन्तोषजनक रहेको निष्कर्ष निकाल्दै सुरक्षा व्यवस्था थप सुदृढ बनाउने निर्णय भएको छ।
निर्देशन: निर्वाचन अवधिभर देशभरका जिल्ला सुरक्षा समितिहरूलाई दैनिक बैठक बस्न केन्द्रले निर्देशन दिएको छ।
सहभागिता: बैठकमा गृह सचिव, तीनवटै सुरक्षा निकायका प्रमुखहरू र गृह मन्त्रालयका उच्च अधिकारीहरूको उपस्थिति थियो।
यो निर्णयले शीर्ष नेताहरूको चुनावी प्रचार शैलीमा परिवर्तन ल्याउने देखिन्छ।
प्रतिक्रिया
सम्बन्धित खवर
