जेठ २५, हेटौंडा। राष्ट्रिय स्वतन्त्र पार्टी (रास्वपा) मकवानपुरको प्रथम ऐतिहासिक जिल्ला अधिवेशनबाट कोषाध्यक्ष पदमा सम्झना पुडासैनी निर्विरोध निर्वाचित भएकीछिन्।

गत शनिबार सम्पन्न ​अधिवेशनले नयाँ नेतृत्व चयन गर्ने क्रममा पुडासैनीलाई सर्वसम्मत रूपमा कोषाध्यक्षमा चयन गरेको हो।

​उनि कोषाध्यक्षमा निर्विरोध निर्वाचित भएपछि सामाजिक सञ्जाल र पार्टी पंक्तिबाट बधाई तथा शुभकामनाको ओइरो लागेको छ।

पुडासैनीको नेतृत्वमा पार्टीको आर्थिक व्यवस्थापन अझ पारदर्शी र प्रभावकारी हुने अपेक्षा गरिएको छ।

अधिवेशनले संजीव पाठकको नेतृत्वमा सर्वसम्मत जिल्ला कमिटी गठन गरेको छ।